Manifiesto Fundacional (en aragonés)

O Frent de Luita Chovenil d’Aragon surte con l’ochetivo de pellar a totas as fuerzas chovenils d’Aragon que luitan contra o sistema capitalista, por a organizacion d’a revolucion, a transformacion social y a construccion d’o poder popular.

Os chovens y as chovens no podemos permanixer impasibles deban d’as enrestidas que o capitalismo ye enfilando contra os dreitos socials, entre ellos os nuestros; os d’a choventut.

L’actual crisis d’o capitalismo ye un fenomen estructural d’o mesmo sistema capitalista. O capitalismo, por as suyas contradiccions internas, no ye capable de socializar o bienestar que proporcionan os avances centifico-tecnicos, privando asi o progreso social y prevocando crisis de sobreproduccion cada cierto periodo de tiempo.

Hue, en l’anyo 2011,a nuestra sociedat ye inmersa en una d’ixas crisis d’o capitalismo. Una crisis estructural, no solo financiera y economica, sino tamien enerchetica, ecolochica, alimentaria y cultural (manca de ficacios, delincuencia, drogadiccion…). Ye en istos agonicos intes quan o sistema capitalista se saca totas as suyas mascarutas y s’amostra tal como ye: un sistema antidemocratico y ditatorial que favorexe unicament a una minoritaria clase de previlechiatos que son propietarios d’os monopolios empresarials y financieros.

Ista clase de previlechiatos, os capitalistas, en un ansia de recuperar a tasa de ganancia qu’otuvieron dica l’esclatada d’a crisis economica en 2008, son destruyindo tota la masa productiva, segun ellos, sobran. Ta destruyir ixa masa productiva, son trancando centros productivos y despedindo grans masas de treballadors y treballadoras, prevocando una tasa d’ature d’o 20,7% d’a población activa en l’Estato Espanyol y mas de 100.000 aturatos en Aragon. Asimesmo, meten as alacets ta un nuevo capitalismo “refundato”, encara mas cruel que l’anterior, capable d’explotar de traza extrema a l’inmensa mayoria d’a poblacion mundial, de mena asalariata, que estan os que son bosando a crisis a pesar de no estar en absoluto responsibles d’a suya esclatada.

Iste nuevo periodo d’o capitalismo ye caracterizato por o masivo recurte o eliminacion de dreitos laborals y socials, conquistatos por a clase treballadora gracias as luitas mantenitas durante anyos. Istos recurtes s’han visto concretatos legalment en a disminucion de dreitos socials arrebata en mayo de 2010, a reforma laboral aprebata en setiembre d’ixe mesmo anyo y a reforma d’as pensions aprebata en chinero d’iste anyo. Ye claro que o que ocurre ye una fuyita entadeban d’o mesmo sistema, y no una concaradura y solucion d’as suyas contradiccions.

Una continuidat con o sistema actual, sin cambear o modelo de produccion y de consumo, antimas de consecuencias socials, tendra tamien consecuencias ecolochicas: aceleracion en l’acotolamient de recursos naturals y, por consiguient, aceleracion d’o escalfamiento global.

O Frent de Luita Chovenil d’Aragon replecamos que o capitalismo ya no puede ofrexer a la choventut y a clase treballadora nada mas que pobreza, miseria y marginacion. Por ello creyemos necesaria a construccion d’una alternativa economica basata en a chusticia social; una alternativa anticapitalista y popular.

Replecamos qu’ista alternativa nomas estara alcanzata mediante a via revolucionaria.

Os recurtes socials aprebatos por o gubierno y o parlament capitalistas con a complicidat d’as cupulas d’os sendicatos CCOO y UGT, han eliminato aduyas socials como a reduccion de 2.500 euros en o IRPF por naixencia y afillatura, conoxita como o “cheque-bebé”, destinata as famillas que tuviesen fillos/as; o l’aduya d’os 426 euros a os aturatos y as aturatas de larga duracion que no gozasen d’atras prestacions por desempleyo. Asimesmo, han congelato as pensions, dificultando as prestacions por dependencia y reducito o salario d’os treballadors y as treballadoras d’o sector publico.

Luen de favorexer a clase treballadora y os sectors populars, os recurtes socials, han fundito a istos en a miseria y en o desempleyo, extendindo o drama d’a fambre t’as famillas. Tamien han empobrecito a os treballadors y as treballadoras d’o sector publico, ya de por si precarizatos en os suyos rans mas baixos.

A reforma laboral facilita y abarata o despido, incrementando as causas ochetivas d’o mesmo, lo que ha provocato un gran numero de despidos por razons ochetivas, una modalidat de despido que le resulta reyalment rentable al empresario. Por l’atro canto, reduce o poder d’os convenios colectivos, fomentando a individualizacion d’as relacions laborals y o paso t’atros convenios en caso de que le resultase mas beneficioso al empresario. A reforma laboral tamien mantiene a modalidat d’o contrato d’obra o servicio, emplegato por os empresarios ta perpetuar a un treballador o treballadora como temporal con o mero feito de cambiar licherament a suya tarea en a empresa. Asimesmo, incentiva os contratos ta la formación, que mantinen a os y as chovens graduatos en menas precarias con un chornal absurdo. Iste incentivo estio disfrazato por o gubierno con l’argumento de promover a contratacion de chovens y reducir l’ature chovenil.

Agora, seis meses dimpues d’aprebacion d’a reforma laboral, podemos veyer a efectos practicos, o suyo resultato. A reforma laboral no ha beneficiato cosa a la clase treballadora. Tot lo contrario: la ha perchudicato. A reforma no ha creyato emplego y ha empiorato enormement as condicions laborals d’os treballadors y as treballadoras.

Os despidos ochetivos estan muit numerosos, contabilizando-se en 92.000 durante os nueu primeros meses d’o 2010 y l’ature ye altismo, trancando l’anyo 2010 con un aumento anual de 176.470 aturatos en l’Estato, alcanzando a cifra de 4.696.600 aturatos/as. En Aragón, l’aumento anual d’aturatos ha estato de 26.700 presonas, plegando a una cifra total de 103.300 aturatos/as en 2010. A tasa d’ature chovenil en l’Estato Espanyol alcanza una cifra superior a o 40%.

Por l’atro canto, a funda division y atomizacion d’a clase treballadora en mils de categorias laborals artificials por medio d’as subcontratas, as Empresas de Treballo Temporal (ETT), asi como a variedat increíble de modalidats de contrato, ha dixato una enorme francha de treballadors/as en una situacion de soledat e indefension, encluso dentro d’as mesmas empresas.

A reforma d’as pensions ye l’atra gran enrestida a la clase treballadora, que va a suponer en a practica un alargamient d’a vida laboral dica os 67 anyos, a la vez que tamien incorpora un aumento d’os anyos de cotizacion necesarios (de 35 a 38,5 anyos) ta poder tener dreito a una pension d’o 100% a os 65.

Ista reforma, que ha sito chustificata publicament mediante o falso argument de que as pensions d’o esdevenidero son en riesgo, pretende que a poblacion treballe mas, a pesar de que somos vivindo una epoca an os chovens tenemos enormes dificultatz ta trobar treballo, mientres muitos treballadors son prechubilatos o dreitament despedidos muito antis d’os 60 anyos.

A o mesmo tempo, ista reforma d’as pensions prevoca que o numero de demandants de empleyo aumente, lo que incrementa as presions ta la baixa sobre os chornals. Por atro canto, priva que a mayoria d’os cotizantes puedan plegar a o 100% d’a pension, veyendose istos obligatos a contratar un plan de pensions privato si quieren vivir dignament una vez chubilatos/as.

Ye ixo o que mas valora o capital d’ista reforma y ye ixe o verdadero ochetivo d’a mesma: poder pasar progresivament d’un sistema de reparticion social (os que treballanbosan solidariament as pensions d’os chubilatos) a un sistema de capitalizacion (cada uno se bosa a suya pension), en el que as pensions no sigan publicas sino privatas y, por tanto, gestionatas por os bancos.

Ista reforma fa prácticament imposible que os que agora estamos chovens gocemos  d’una pension digna en l’esdevenidero. Ta tener una buena pension, mos imos veyer obligats a treballar dende os 16-18 anyos con contratos temporals y precarios, y a chubilarnos a os 67, quan a inmensa mayoria d’os traballadors y as treballadoras
no tienen a condición fisica qu’enanta o desempenyo d’un treballo a ixa edat, siga manual o intelectual.)

Tamien bi ha que tener en cuenta l’aumento d’o precio d’a vida, reflexato en a puyata d’o IVA o l’aumento d’o coste enerchetico: electricidat, gas natural, gas butano… lo que prevoca que, antimas de no dentrar chornals ni aduyas socials t’as casas, as famillas tiengan qu’afrontar os altos costes provenients d’as codiciosas multinacionals capitalistas y a l’estato capitalista, alministrador d’os negocios d’os grans empresarios y banqueros.

Atro d’os problemas que sofrimos a choventut actual ye l’imposibilitat d’acceder a una vivienda, encara existindo aproximadament tres millons de casas vacias habitables en l’Estato Espanyol. Si a choventut queremos acceder a una vivienda, himos de fer-lo a viviendas de mala calidat e hipotecar-nos de por vida.

Segun as estadisticas, durante os tres primeros meses d’o 2010 (no bi ha datos mas recients, suponemos que a cifra habra aumentato), 27.561 personas se quedaron sin casa al no poder bosar l’hipoteca en l’Estato Espanyol. Ye dicir: os bancos furtaron as suyas viviendas a mas de 25.000 personas en solo tres meses, unas 800 por semana. Una gran parte d’istas personas yeran chovens que pretendeban emancipar-se d’o fogar famillar.

Deban d’a situacion de crisis, que s’agrava en o tema d’a vivienda con os problemas derivatos d’a bambolla inmobiliaria d’a que estan responsables as grans constructoras y os bancos, a os y as chovens mos resulta practicament imposible emancipar-nos, tenindo que vivir en casa d’os nuestros pays y no de traza independientdica mas alla d’os 30 anyos.

En o tema estudiantil, os chovens y as chovens mos veyemos muit perchudicatos/as por l’altero coste que suponen os estudios, tiengamos que bosar-lo nusatros con os nuestros diners o tenindo-lo que bosar os nuestros pays con os diners famillars. En o caso de que estieramos bosandolo nusatros/as, a situacion s’agrava por tener que compaxinar estudios y treballo ta poder bosar as matriclas. Por atro canto, as practicas d’as diversas titulacions se fan en empresas privatas; as cuals, sin bosar-te cosa, s’aproveitan d’o tuyo treballo.

A la dificil situacion que sofrimos os y as estudiants en l’actualidat, se le suma l’intres d’a clase capitalista por privatizar la educacion. Una muestra d’isto son as leyes que s’han ido aplicando y que se quieren aplicar, como la LOU, LOMLOU y o Plan Bolonia: Espacio Europeyo d’Educación Superior (EEES) y Estratechia Universidat 2015. Istos plans pretenden fer competitivas as universidatz poniendolas a o servicio d’os monopolios empresarials y financiers, mediante a sustitucion d’as becas por prestamos bancarios con intreses, a puyata generalizata d’as tasas y a devaluación d’as titulacions, o cual se produce al sacar gran parti de los contenius teoricos d’as carreras universitarias.

En iste sentito, o Frent de Luita Chovenil d’Aragon no himos a premitir que as universidatz, asi como os institutos de secundaria y Formación Profesional, se sigan convirtindo en centros de nuevos reclutas ta precariedat. O Plan Bolonia pretende poner a educacion a o servicio d’as empresas y no d’a sociedat, destinando totas as
ofiertas educativas a isto y modificando os plans d’estudio ta lograr una formacion encaminata a cubrir as necesidatz d’o mercato capitalista. A elitizacion y privatizacion d’a educacion tienen como ochettivo formar mano d’obra barata y embrutirnos culturalment.

O Frent de Luita Chovenil d’Aragon apuesta tamien por a trasgresion d’o barrache d’a diferencia sexual y por a liberación d’as mullers, partindo de que o sistema capitalista conlleva a opresion d’as mesmas, que ye materializata en desigualdat politica, economica y social. Por istas ragones, creye necesario abolir y remplazar a sociedat patriarcal y partir d’una igualdat de chenero.

Asimesmo, o Frent de Luita Chovenil d’Aragon tamien tiene present a ecolochia como uno d’os suyos puntos principals de luita. Mos declaramos en contra d’a mentira d’o desembolique sostenible capitalista y abogamos por a creyacion d’un sistema que, dende o respeto animal, equilibre a relacion ser humano – naturaleza.

En l’ambito d’a luita antifaixista, o Frent de Luita Chovenil d’Aragon uellamos con preocupación como o faixismo, luen de desaparixer, se mantine en as institucions y puya a suya presencia en a carrera: agresions, palizas, insultos, actos publicos… Baixo a total impunidat y encluso amparo y refirme por parti d’as institucions.

Iste feito tampoco mos extraña veyendo o desembolique politico d’a falsa transicion, que legalizo o rechimen franquista. Gracias a ista “transicion”, muitos responsibles d’a dictadura franquista no solo se salvaron d’estar depuratos sino que continaron y continan en os organos de poder, con a lechitimacion d’a clase dominant capitalista
y os traidors a o Pueblo. Ye mas, os organos chudicials franquistas continan hue en funcionamiento y continan a suya presecucion dica os que discrepan con l’orden social dominant. Exemplos d’isto estan l’aplicacion d’a Ley de Partitos, d’a Ley Antiterrorista y a criminalizacion d’amplos sectors populars y socials.

O Frent de Luita Chovenil d’Aragón tamien aspiramos a un reconoximiento reyal d’as victimas d’o faixismo (digan baxo a epoca de Franco o de o suyo sucesor Chuan Carlos I) como luitadors por la libertat y un exemplo ta choventut de hue. Mos oponemos as leyes de Memoria Historica de punto y final.

A diferencia d’a choventut griega, italiana, francesa, inglesa e incluso echipcia o tunecina, a choventut d’o Estato Espanyol no ye fendo apenas frent a o capitalismo y as suyas enrestidas antisocials. A desorganizacion y desmovilizacion d’a choventut estan cheneralizatas. Antimas, cal remarcar que ista situacion no se da excepcionalment en os chovens, sino que o grueso cheneral d’a clase treballadora tamien se troba en a mesma situacion.

Os recurtes aprebatos en mayo de 2010, prevocaron a convocatoria d’una vada d’o sector publico ta o diya 8 de chunio d’o mesmo anyo 2010.

Atra gran movilizacion estio a vada cheneral d’o 29 de setiembre, que se convoco a ran de tot l’Estato. Ista primera vada cheneral d’a crisis capitalista estio convocata a consecuencia d’a aprebacion d’a reforma laboral ixe mesmo mes y tuvo un gran exito, principalment ta o sindicalismo alternativo. Igual d’exitosa estio a vada cheneral
que o 27 de chinero tuvo lugar en Euskal Herria, Galiza y Catalunya, convocata por o sendicalismo alternativo contra a reforma d’as pensions y o Pacto Social.

O Frent de Luita Chovenil d’Aragon asumimos como tarea propia organizar y movilizar a la choventut ta que, chunto a la clase treballadora, faiga frent a o capitalismo.

Respeutibe d’a penible situacion que sofrimos en l’actual contexto de crisis, o Frent de Luita Chovenil d’Aragon proposamos un Plan d’Emerxencia en solucion a os actuals problemas economicos y socials. Ta l’aplicacion d’iste plan d’emerxencia, replecamos que ye necesario o preambulo d’una luita organizata contra o sistema capitalista y a realizacion d’una revolucion social.

Plan de Emerxencia ta la choventut y a clase treballadora

Por un emplego digno y o reparto d’a riqueza

• Emplego o subsidio indefinito.
• Socializacion de los sectores estratégicos y puesta bajo gestión obrera.
• Abolicion d’as Empresas de Treballo Temporal (ETT) y tota mena de precariedat laboral.
• A igual treballo, igual chornal. Mesma remuneración y mesmas oportunidatz ta toz os treballadors y totas as treballadoras (sigan autoctonas o inmigrants, chovens o mayors).
• Reduccion d’a chornata laboral sin reduccion salarial, adaptata as distintas condicions laborals y con prohibicion d’horas extra.
• Prohibicion d’os Expedients de Regulacion de Emplego (ERE) en as empresas con beneficios.
• Referéndum obrero vinculante, d’alacet, ta la aprebacion de convenios colectivos.
• Establimiento d’o dreito a vada como dreito fundamental, democratico y colectivo, que debe prevalexer dencima d’os dreitos individuals.

Por o dreito a una vivienda digna

• Socializacion d’as viviendas desocupatas y puestas en alquiler a o servicio d’a choventut y a clase treballadora.

Por una cobertura social, universal y gratuita

• Reconoximiento d’iguals dereitos a la poblacion inmigrant.Disminucion d’a edat de chubilacion y o periodo de cotizacion.
• Integracion d’as cuentas d’a Seguridat Social en os presupuestos chenerals d’o Estato.
• Prohibicion d’os EREs.
• Referendum obrero vinculant, d’alazet, ta l’aprebacion de convenios colectivos.
• Enfortimiento d’o dreito a vada como dreito fundamental, democratico y colectivo que debe prevalexer sobre os dreitos individuals.

Por una educación publica, gratuita, laica y de calidat

• Sistema de becas reyal, a o servicio d’os estudiants.
• Practicas remuneratas de traza integra.
• Participacion estudiantil en totas as decisions vinculatas a l’educacion y reconocimiento d’as asambleyas d’estudiants d’alacet como interlocutors validos.

Por una cobertura social, universal y gratuita

• Reconoximiento de iguals dreitos a la poblacion inmigrant. Trancadura d’os Centros de Internamiento de Extranjeros (CIE).Integracion d’as cuentas d’a Seguridat Social en os presupuestos chenerals d’o Estato.
• Disminucion por ley d’a edat de chubilacion y o periodo de cotizacion.
• Regulacion d’uns servicios socials 100% publicos y gratuitos.
• Responsabilidat total d’o Estato en materia de cuidados, asi como o reparto d’os mesmos.

Por una educación pública, gratuita, laica y de calidad

• Educacion a o servicio d’as necesidatz socials.
• Implantacion d’un sistema de becas reyal, a o servicio d’os estudiants, y sin contrapartitas.
• Regulacion d’as practicas ta que sigan remuneratas de traza integra.
• Participacion estudiantil en totas as decisions vinculatas a la educacion y reconoximiento d’as asambleyas d’estudiants d’alacet como interlocutors validos.

Por a soberania popular

• Trencata con totas as organizacions imperialistas: Union Europeya, OTAN…
• Dreito d’autodeterminacion ta o Pueblo Aragones y tozs os Pueblos d’o mundo.
• O reconoximiento y o dreito a l’uso publico en igualdat de condicions d’as tres luengas mesmas d’Aragón: castellan, aragones y catalan; asi tamien de totas as luengas charratas en o territorio aragones (rumano, arabe, chino, etc…)

A choventut, como parte d’a clase treballadora, sentimos a necesidat d’organizar-mos y luitar chunto as organizacions politicas, sendicals y atros movimients populars.

O Frent de Luita Chovenil d’Aragon luitara incansablement dica qu’iste Plan d’Emerxencia siga aprebato. Istas estaran as nuestras fundamentals reivindicacions en a luita que desempenyamos de traza unitaria.

¡No a o Pacto Social!
¡No a la privatizacion d’os servicios publicos!
¡No a la reforma d’as pensions!
¡No a la Constitucion d’o 1978!
¡No a la ley antiterrorista y a Ley de Partitos!

¡Por os dreitos d’a choventut y a clase treballadora!
¡Por a revolucion y a chusticia social!

¡Entalto a unidat de tots os sectors obreros!
¡Que a crisis la bosen os capitalistas!